Psa 112:2-9 | SwhNEN | STEP | Watoto wake watakuwa wenye uwezo katika nchi, kizazi cha watu waadilifu kitabarikiwa.

Psalms 112:2-9

2 ^aWatoto wake watakuwa wenye uwezo katika nchi,
kizazi cha watu waadilifu kitabarikiwa.
3 ^bNyumbani mwake kuna mali na utajiri,
haki yake hudumu milele.
4 ^cHata gizani nuru humzukia mtu mwadilifu,
yule mwenye rehema, huruma na haki.

5 ^dMema yatamjia mtu yule aliye mkarimu na mwenye kukopesha bila riba,
anayefanya mambo yake kwa haki.
6 ^eHakika hatatikisika kamwe,
mtu mwenye haki atakumbukwa milele.
7 ^fHataogopa habari mbaya,
moyo wake ni thabiti, ukimtegemea Bwana.
8 ^gMoyo wake ni salama, hatakuwa na hofu,
mwishoni ataona ushindi dhidi ya adui zake.
9 ^hAmetawanya vipawa vyake kwa ukarimu akawapa maskini;
haki yake hudumu milele;
pembe yake itatukuzwa kwa heshima.